Быйыл Хаҥалас улууһугар Г.В. Ксенофонтов 135 сылыгар аналлаах тэрээһиннэр ыытыллаллар. Ол курдук муус устар 22 күнүгэр Николаев Киинигэр кини олоҕун, үлэтин кытта билиһиннэр семинар-презентация буолан ааста. Гаврил Васильевич олоҕун кэрчиктэрин, улахан үлэлэрин туһунан Тиит-Арыыттан төрүттээх, Өктөмнөөҕү Тыа хаһаайытыбатын государственнай академиятын филиалыгар өр сылларга история преподавателинэн үлэлээбит Татьяна Семёновна Степанова билиһиннэрдэ Бу семинарга Өктөм олохтоохторо, "Арылы кустук" самодеятельнай уруһуйдьуттар түмсүүлэрэ кыттыыны ыллылар.

"Олус дириҥ историко философскай хабааннаах иһитиннэрии буолан ааста, кини олоҕун олоччутун истэн олорон үөрэттибит уонна бу темаҕа «Арылы кустук» самодеятельнай худуоһунньуктар түмсүүлэрэ свитокка уруһуйдуурга былаан ылынныбын Г.В. Ксенофонтов олоҕун хас эмэ көрүҥҥэ арааран, үллэстэн хас биирдиибит ким туохха сыһыарыллыбытынан научнай хабааннаах үлэбитин саҕалыырга туруннубут" - диэ Андриан Белолюбский бэйэтин санаатынан үллэстэр.