В День Знаний 1 сентября 2021 года в Хамагаттинском саха-французском лицее 2 крупных исторических события для лицея - исполнилось 25 лет со дня создания лицея и лицею присвоено имя заслуженного работника народного хозяйства РС (Я), кандидата филологических наук, специалиста по французской филологии, декана Факультета иностранных языков ЯГУ в 1975 - 1989 годах, первого министра внешних связей Республики Саха (Якутия) Виталия Петровича Артамонова.

В ознаменование этих событий состоялась онлайн встреча учащихся и педагогического коллектива лицея с Первым Президентом Республики Саха (Якутия) Михаилом Николаевым на якутском языке.

Виталий Петрович Артамонов 1947 сыл бэс ыйын 26 күнүгэр Орджоникидзевскай оройуон Покровскай бөһүөлэгэр төрөөбүтэ.

1966 сыллаахха Нам орто оскуолатын бүтэрбитэ. Саха Государственнай университет Историко-филологическай факультетын романо-германскай салаатыгар үөрэнэ киирбитэ. 1969 сыллаахха ССРС 50 чулуу устудьуоннарын ахсааныгар киирэн Францияҕа стажировкаҕа баран француз тылын дириҥник үөрэппитэ.

Үрдүк үөрэҕин бүтэрэн баран Москватааҕы Морис Торез аатынан педагогическай институтка аспирантураны ааспыта. 1974 сыллаахха кадидатскай диссертацияны туйгуннук көмүскээбитэ, уонна ол кэннэ армияҕа сулууспалыы барбыта.

ССРС Үрдүк уонна Орто үөрэх министерствотыттан СГУ-га чулуу эдэр учуонайдары Европа университеттарыгар биир сыллаах стажировкаҕа ыытар туһунан сурук кэлбитигэр, СГУ В.П.Артамонов кандидатуратын быһаарбыта. Онон армияттан Свердловскайга собеседование ааһа тиийбитэ.

1975 сыллаахха СГУ омук тылын факультетын деканынан үлэҕэ киирбитэ. 1989 сылга дылы 13 сыл ити дуоһунаска үлэлээбитэ.

1989 сылтан 1991 сылга диэри ССКП Саха Сиринээҕи обкомугар сектор сэбиэдиссэйинэн үлэлээбитэ.

1991 сыл олунньу 23 күнүгэр Саха Өрөспүүбүлүкэтин ЮНЕСКО Национальнай комитета тэриллибитэ. Онно М.Е.Николаев - бэрэссэдээтэлинэн, В.П.Артамонов - сопредседателинэн талыллыбыттара.

1992 сыл тохсунньу ыйыгар Саха Өрөспүүбүлүкэтин Тас сибээскэ министерствота тэриллибитэ, Виталий Петрович миниистринэн анаммыта.

1998 - 2004 сылларга В.П.Артамонов Ырассыыйа Тас Дьыалаҕа министерствотыгар үлэлээбитэ. Кини Чад өрөспүүбүлүкэтигэр Арассыыйа посольствотыгар - посолу солбуйааччы (временный поверенный в делах), Намибияҕа - советнигынан үлэлээбитэ.

1992 сыллаахха Париж куорат мэрин Жак Ширагы кытта (уҥаттан иккис).

Хамаҕаттатааҕы Саха-Французскай лицейга балаҕан ыйын 1 күнүгэр - Билии Күнүгэр 11 чааска Виталий Петрович Артамонов аатын сүгэр туһунан үөрүүлээх церемония буолан ааспыта.

Саха Өрөспүүбүлүкэтин Тас сибээскэ министерствотын миниистирин солбуйааччы Сергей Хатылыков тыл эттэ.

Ырассыыйа Тас Дьыалаҕа министерствотын Дьокуускайдааҕы бэрэстэбиитэлэ Вера Сидорова, В.П.Артамонов өр сыллаах коллегата, эҕэрдэлиир.

Бочуоттаах ыалдьыттар.

Эҕэрдэлиир Анастасия Божедонова.

Оҕолор француз үҥкүүтүн үҥкүлүүллэр.

Виталий Петрович Артамонов сырдык аата иҥэрилиннэ!

12:30 тан Саха Өрөспүүбүлүкэтин Бастакы Президенын Михаил Ефимович Николаевтыын көрсүһүү саҕаланна.

Хамаҕаттатааҕы Саха-Французскай лицей туһунан кэпсээн.

Саха Өрөспүүбүлүкэтин Бастакы Президена Михаил Ефимович Николаев Хамаҕатта лицейыгар эрэ буолбакка Саха Өрөспүүбүлүкэтигэр эдэр көлүөнэни иитииннэн дьарыктанар учууталларга, педагогтарга, Саха Өрөспүүбүлүкэтин үөрэнээччилэригэр туһаайан дириҥ ис хоһоонноох тыл эттэ.

Өссө биирдэ Билии Күнүнэн эҕэрдэлиибин! Баҕарабын барыгытыгар элбэх ситиһиилэри уонна доруобуйаны!