Кулун тутар 17 күнүгэр Николаев – Центрга АГАТУ устудьуоннара экскурсияҕа кэлэн бардылар.

Оҕолор бэйэлэригэр Өрөспүүбүлүкэ остуоруйата хайдах тиһиллэн тахсыбытын , саха омук баһыгар кимнээх турбуттарын, үйэлэр тухары уларыйыылары тэҥҥэ сабаҕалаһан, хардыылаһан көрдүлэр.

Бастатан туран Сахабыт Сирин бастакы Бэрэсидьиэнин, Михаил Ефимович Николаев үлэлээбит үлэтин, олоҕун, бэрэсидьиэн поһугар олорбутун тухары туһааннаах ылыныыларын тиһэҕэр Сахабыт Сирин атын, ураты улахан таһымҥа таһаарбытын иһиттилэр. Кини политическай үлэтин түмүгүнэн Өрөспүүбүлүкэ судаарыстыбыннаһа, ону тэҥэ экономическай бэйэ дьаһыныытын кытаатыытын, сайдыытын , саха норуотун биир кэлим гына түмүүтүн , дойдубут сайдыытыгар олук уурбут киһи буоларын бэйэлэригэр арыйдылар.

Чуолаан экскурсия халыыба айар тыл аҕата, саха суругунан

уус-уран литературатын төрүттээччи, чинчийээччи, бөлүһүөк ,саха омук духуобунай лидера - Алексей Елисеевич Кулаковскай – Өксөкүлээх Өлөксөй кулун тутар 16 күнүгэр, төрөөбүт күнүгэр анаммыт “Өксөкүлээх сардаҥата” сылыны ахсын ыытыллар бүтүн Өрөспүүбүлүкэтээҕи аахсыйаҕа хатанна. Бэҕэһээ, ол эбэтэр кулун утар 16 күкнүгэр Саха Өрөспүүбүлүкэтин бастакы Бэрэсидьиэнин М.Е.Николаев библиотека- архивыгар Өксөкүлээх сардаҥата сандаарбыта.

Саха сирин реалист суруйааччыларыттан биирдэстэрэ быйыл күн сири көрбүтэ 149 сыла бэлиэтэммитэ. Өрөспүүбүлүкэ бэрэсидьиэнэ А.С.Николаев уураҕынан 2023 – 2027 сс. “Кулаковскай биэс сылынан” биллэриллибиттэрэ.

Устудьуоннар төрүт төрөөбүт дойдуга истиҥ сыһыаны, ураты көрүүнү- истиини бэйэлэригэр ылынан иҥэриннилэр, былыргы дьыллар, ааспыт кэм кэрдиистэрин, быыстарын сэгэтэн көрөн үгүс саҥаны бэйэлэригэр арыйдылар буолуо дьии саныыбыт.