Бүгүн, олунньу 12 күнүгэр, М.Е. Николаев библиотека-архыыбыгар Ийэ тыл уонна сурук-бичик күнүгэр аналлаах тэрээһин буолан ааста.

Киирии ыалдьыттарынан Таатта улууһун Чөркөөх орто оскуолатын үөрэнээччилэрэ уонна учууталлара буоллулар. Кинилэр бу күҥҥэ “Николаев-Центр” М.Е. Николаев аатынан научнай үөрэхтээһин киинин үөрэнээччилэрин кытары көрсүһэн, билиилэрин хаҥаттылар.

Тэрээһин биир сүрүн түгэнэ — бастакы букубаар ааптара В.М. Ионов 175 сааһыгар аналлаах выставканы көрүү буолла. Ону сэргии, интэриэһиргээн көрдүлэр.

Олунньу 12 күнэ Исидор Никифорович Барахов төрөөбүт күнүнэн биллэр. Бу күн киниэхэ анаан аналлаах интеллектуальнай оонньуу ыытылынна. Оҕолор Исидор Барахов олоҕун, үлэтин-хамнаһын уонна Саха сирин сайдыытыгар киллэрбит кылаатын туһунан элбэх саҥаны биллилэр.

Бу көрсүһүү бары кыттыылаахтарга суолталаах түгэн буолла. Эдэр көлүөнэ бэйэтин республикатын историческай төрүттэрин чугастык биллэ, биллиилээх дьоннорун үлэлэрин суолтатын билэн өйдүүрүгэр тирэх буолла.