Бүгүн Саха Республикатын онкологическай диспансерын үлэһиттэрэ М.Е. Николаев Библиотека-архивыгар ыалдьыттаан аастылар. Экскурсияҕа Саха Өрөспүүбүлүкэтин Бастакы Президена Михаил Ефимович Николаев туһунан сиһилии сырдаттылар. Саха норуотун духуобунай лидера, аныгы Саха Сирин бэлиэтэ, аан дойду таһымнаах политик Михаил Ефимович бэйэтин норуотугар, бүтүн Россияҕа оҥорбут үгүһэ өссө төгүл бүгүн бигэргэннэ. Ол курдук муударай политик, сатабыллаах салайааччы, сүрүн болҕомтотун норуотун, эдэр ыччатын үөрэҕириитигэр, бэйэтигэр эрэллээх, күүстээх буоларыгар кыһамньытын, билиитин уурбут киһи буолар. Михаил Ефимович киһи дойдутун туһугар тугу оҥоруон сөбүн холобура.

Онкодиспансер үлэһиттэрэ дириҥ ис хоһоонноох эксурсияны дуоһуйа истэн, маннык диэн санааларын үлэһиннилэр: «М.Е. Николаев библиотека-архивыгар сылдьан олус үчүгэй санаалаах, өрө көтөҕүллэн бардыбыт! Библиотека-архив улахана, ис хоһооно, экспонаттар элбэхтэрэ киһини сөхтөрөр! Улуу да Киьи олорон ааспыт эбит! Саха норуотун Бастакы Президена олорон ааспыт олоҕун, үлэлээбит кэмигэр сүнкэннээх кылаата, норуотугар туһатын сиһилии билистибит. Экскурсовод олус сиһилии уонна итэҕэтиилээхтик кэпсээтэ! Барҕа махтал!»