Алтынньы ый 10 күнүгэр Николаев Кииҥҥэ "Саха сирин чулуу дьоно"сериянан тахсыбытХаҥалас улууһун Өктөм нэһилиэгин биир бастыҥ үлэһит, салайааччы Емельян Васильевич Андреев туһунан кинигэ сүрэхтэниитигэр Хаҥалас улууҺун, Өктөм администрациятын салайааччылара, нэһилиэктэртэн кэлбит ыалдьыттар, бииргэ үлэлэспит, үөрэммит дьоно-сэргэтэ, доҕотторо, биир санаалаахтара, төрөөбүт түөлбэтин ытык кырдьаҕастара, биир дойдулаахтара муһуннулар.

Өктөм төрүт олохтооҕо, ытыктыыр салайааччыны Андреев Емельян Васильевы ахтан-санаан ааҺаары кэлбит дьон элбэҕэ сөхтөрдө. Кинилэр бу үөрүүлээх күн өрө көтөҕүллээхтик барыаҕын туоһута буоллулар.

Кинигэни СӨ үөрэҕириитин үтүөлээх үлэһитэ, М.К.Аммомов аатынан СВФУ ФГАОУ үөрэхтээҺинин үлэтин бэтэрээнэ Егорова Февронья Николаевна салалталаах, "Сахаада" исдээтэлистибэ эрэдээктэрдэрэ Стручков Г.П., Стручков В.Г танан таҺаардылар.

Кинигэ сүрэхтэниитин саҥа анаммыт улууспут баһылыга Сергей Геннадьевич Гребнев арыйда. Кини бу кылгастык уонна чаҕылхайдык олорон ааспыт Хаҥалас улууһун биир тутаах киһитэ Е.В Андреев таҺаарыылаах улэтинэн-хамнаҺынан, дойдутугар, төрөөбүт түөлбэтигэр бэриниилээх тапталынан дьоҥно-сэргэҕэ умнуллубат өйдөбүлү хаалларбытын бэлиэтээтэ.

Хас биирдии эппит киҺи тылыттан, бииргэ тутуһан олорбут нэһилиэгин дьоннорун ахтыыларыттан, кинигэ сүрэхтэниитин күн 95 сааҺын томточчу туолбут нэҺилиэкпит ытыккырдьаҕаһа Михаил Петрович Яковлев ахтыытыттан, Емельян Васильевич олоҕун суола, кылгас буолан баран чаҕылхай чыпчааллара уруҺуйданан, ситэн-хотон истилэр. Хас этээччи Емельян Андреевы дьиҥнээх патриот быҺыытынан, сатабыллаах салайааччы, боростуой үлэҺит дьоҥҥо убайдыы истиҥ сыһыанын бэлиэтээтилэр. Элбэх киҺи Емельян Васильевиһы толору аатынан буолбакка, "биҺиги Эмэлдьээммит" диэн ааттыыра бу дойдулаахтарын дьиҥнээх таптала, иҺирэх сыҺыанын билиниитэ буолар эбит.

Емельян Васильевич оҕолоро, кэргэнэ Наталья Афанасьевна, чугас аймах-билэ дьонноро бииргэ түмсэн, бу тэрээһин үрдүк таһымын, оҕолор ис кыахтарын туоҺулаатылар, биир дойдулаахтарын биһирэбилин ыллылар. Тэрээһиҥҥэ кэлбит хас биирдии киҺи саҥа тахсыбыт кинигэни бэлэх тутан үөрэн-көтөн барда.

Емельян Васильевич оҕолоро билигин өрөспүүбүлүкэ араас таһымнаах салайар органнарыгар эппиэттээх дуоһунастарга ситиҺиилээхтик улэлии-хамныы сылдьаллар. Манна бэлиэтээн эттэххэ, Степан уонна Дмитрий биһиги лицейбытын ситиҺиилээхтик үөрэнэн бүтэрбиттэрэ.

Емельян Васильевич Андреев оҕолоро ытык киһилэрин үтүө аатын үйэтитэн, кэнэҕэски ыччаттарыгар тириэрдэн, кини ситэрбэтэҕин ситэрэн-хоторон, санаабытын ситиһиэхтэрэ турдаҕа! Кинилэр аҕаларын курдук үтүө суобастаах, көнө майгылаах, төрөөбүт түөлбэлэригэр, дойдуларыгар бэриниилээх дьон үүнэн-сайдан таҕыстыннар, дойдуларын сайдарыгар бары кыахтарын биэрэн туран улэлээтиннэр-хамсаатыннар диэн баҕа санаабытын этэбит.

Софья Федотова, педагогическай үлэ бэтэрээнэ, Е.В.Андреев сиэн балта