Бу ый 11 күнүгэр Саха сирин оскуолаларын сайыҥҥы чинчийэр, үөрэтэр лааҕырдарын салайааччылара Томпоттон, Тааттаттан, Амматтан, Чурапчыттан, Кэбээйиттэ кэлэн ыалдьыттаатылар, санааларын үллэһиннилэр. Манна сөп түбэһиннэрэн «Николаев-Киин» саха олоҕун-дьаһаҕын туһунан кэпсиир, көрдөрөр экспозицияны, саха-французкай экспедиция түһэрбит хаартыскаларын, М.М.Носов «Долина Куллаты” хартыынатын сэҥээрэн көрдүлэр. Сахабыт сирэ-уота дириҥ ис хоһооннооҕун, өссө да кэлэр көлүөнэҕэ элбэҕи кэпсиэҕин уонна чинчийэр үлэҕэ элбэх хайысхалааҕын бигэргэтэн, саҥа санаалары кынат оҥостон улуустарыгар айаннаатылар.