Бэҕэһэ, кулун тутар 20 күнүгэр, Николаев-Кииҥҥэ “Барҕарыы” Өктөмҥөөҕү культура киинэ “Суруллубут – суоруллубат” диэн саха саарыныгар, Саха Өрөспүүбүлүкэтин бастакы бэрэсидьиэнигэр Михаил Ефимович Николаевка анаммыт, ис сүрэхтэн тахсар махтал, таптал хоһооннорун кинигэтин сүрэхтэниитин ыытта.

Бу хомуурунньугу хомуйан оҥордо биир дойдулаахпыт, “Барҕарыы” Өктөмҥөөҕү культура киинин методиһа Зоя Егоровна Аржакова. Бу хомуурунньукка 60 тахса ааптардар айымнньылара киирдилэр.

Кинигэ сүрэхтэниитэ ырытыыттан саҕаланна: “Бу хомуурунньук тахсыыта - биһиги улахан ситиһиибит буолар. Саха тылын сайыннарыыга, кэҥэтэн үөрэтиигэ хоһоон күрэһин тэрийэн Зоя Егоровна улахан үлэни ыытта. Онон бу хоһоон айар суруйар кэлин кэнэҕэски кэскилгэ, ыччакка сайда турдун уонна Сахабыт Сирин чулуулартан чулууларын, ытыктанар сүдү дьоммутугар махталбытын биллэрэрбиһиги бар дьон ытык иэстээхпит. Кинилэри албан аат дьонун өрө тутан, киэҥ тутта, умнубакка ааттарын ааттатан, үйэ-саас тухары ахта-саныы сылдьыаҕын”.

Марианна Ариановна Неустроева, СӨ Үөрэҕириитин туйгуна, бочуоттаах бэтэрээнэ, Учууталларучууталлара, Амма Бөтүҥүн Бочуоттаах олохтооҕо, санаатын үллэһиннэ: “Өрөгөйдөөх Өктөм сиригэр-уотугар, Маҥнайгы Президеммит М.Е. Николаев Киинигэр тиийээппитин кытта үөрэ-көтө "Эһигини күүтэн турабыт"- диэн Зоя Егоровнабыт уонна Киин Уораҕай үлэһиттэрэ итиитик истиҥник көрсүбүттэрэ наһаа үөрүүлээх, киһи санаатын көтөҕөр. Махтал! Таптал! Эбиэккэ наҕыллык, минньигэстик тото-хана аһаан, Музейы кэрийэ сылдьан, ис хоһоонноохтук гид кэпсээбитэ эмиэ үчүгэй баайы дии, наһаа интэриэһинэй. Олох өйдүүн-санаалыын, ис-туруктуун элбэҕи билэн, дуоһуйа сынньанан кэлбиппитигэр Киин үлэһиттэригэр барҕа махтал тылларын, үтүө тыл үчүгэйин, баҕа санаа бастыҥын аныыбын. Сахабыт сиринараас муннугуттан мустубут, ыалдьыттаабыт дьоҥҥо эйэҕэс, элэккэй сыһыаҥҥытыгар сиртэн халлааҥҥа диэри бокулуон! ”

В.С. Соломонова-Күндүүнэ, Хаҥалас улуһуттан, тэрээһин туһунан маннык аҕынна: “Бүгүн бастакы Президиэммитигэр анаммыт "Суруллубут - суоруллубат" диэн кинигэ биһирэмэМ.Е.Николаев библиотека-архивын дьиэтигэр үчүгэй баҕайытык ыытыллан, кэлбит, көрбүт дьон бары астынныбыт. Наһаа кэрэ, киэҥ, ыраас, сырдык, баай историялаах, үрдүк таһымнаах көстүүлээх киин оҥорбуттара кэрэхсэбиллээх. Бу биһирэми иилэн-саҕалаан ыыппыт Зоя Егоровнаҕа, Өктөмнөөҕү "Барҕарыы" КК, Николаев-Киин үлэһиттэригэр барҕа махтал тылларын этэбин. инникитин үлэҕитигэрситиһиилэри, үгүс үөрүүнү, тус олоххутугар дьоллоох, байылыат олоҕу”.

Екия Дьокуускайтан маннык хоҺоону бэлэх уунна.

Хоһоон айаммыт бастакы

Ил Дархаҥҥа - Николаевка

Анаммыт кинигэ таһааран

,,Николаев кииҥҥэ" тиийдибит.

Бу сүҥкэн уораҕайкиини

Көрдүбүт, сөхтүбүт биһирии.

Хас биирдии саала ис киэбэ -

Көстүүтэ, кэпсиирэ дириҥиэн!

Төһөлөөх толкуйтан, үлэттэн

Бу маннык дьоһуннаах Киин - түмэл

Баар буолла биһиэхэ - Сахаҕа!

Махталытиэрдэбит эһиэхэ

Бу маны олоххо киллэрбит

ДойдутунЧапайын дьонугар -

Көрдөрөр, кэпсиир түмэлгэ!

Киэн туттар Уолгутун үйэлээн,

Үрдэлгэ - сулуска дьүөрэлээн,

Хаҥатын, байытыҥ түмэли

Махталы ытыска түһэрэн.

Үйэттэн үйэҕэ сайыннын,

Элбэҕи кэпсээтин ыччакка -

Холобур күүһүнэн үөрэтэн

Алгыстаах аартыкка сирдээтин!