Кулун тутар 17 күнүгэр сарсыарда 9 ч.Николаев-Кииҥҥэ Өктөм нэһилиэгин олохтоохторугар Өксөкүлээх Өлөксөй олоҕор сүгүрүйүү күнүгэр анаммыт “ӨКСӨКҮЛЭЭХ САРДАҤАТА” аахсыйа тэрээһинэ буолан ааста.Үгэс буолбут, норуот биһирэбилин ылбыт тэрээһин Бастакы Президент Михал Ефимович Николаев көҕүлээһининэн саҕаламмыта.

Бу күн «Өксөкүлээх сардаҥата» аахсыйа кыттыылаахтараталыы-талба хонуулаах Таатта улууһуттан Өксөкүлээх төрөөбүт балаҕаныгар кини сиэнэ Рива Реасовна КулаковскаяӨксөкүлээх сардаҥатын уматыытын быьа холбонуутун көрдүлэр. Онтон Николаев-Кииҥҥэ Өксөкүлээх сардаҥата сандаарда.

Бу күн өссө биирдэ Өксөкүлээх Өлөксөй республика сайдытыгар улахан үтүөтүн-өҥөтүн ахтан-санаан аастылар: хоту сирдэри кэрийэн советскай былааһы олохтоспута, дьон общественнай өйүн-санаатын салайсыбыта, сайыннарбыта, сырдыкка-кэрэҕэ, үөрэххэ сирдээбитэ. Чуолаан, биһиэхэ, Хаҥалас Хачыкаатыгар олорон 1912 сыллаахха «Саха интеллигенциятыгар»суругун суруйбута . Саха норуотун духуобунай өйүн-санаатын аҕалаатар аҕата Өксөкүлээх Өлөксөй 1912 сыллаахха «Саха интеллигенциятыгар» суругун ыытарыгар баара-суоҕа 35 саастааҕа. Ол эрээри төрөөбүт Сахатын сирин киэҥ нэлэмэн ыырын балачча кэрийбит, норуотун олоҕун-дьаһаҕын билбит, чинчийбит киһи быһыытынан оччолортон биллэрэ. Өксөкүлээх«Саха интеллигенциятыгар суруга» биир үйэни уҥуордаан, тыыннаах тиийэн кэлбитэ, норуокка ыйар сулус буолан билиҥҥэ диэри туһалыыра – улуу дьыала буоллаҕа. Биһиги эдэр көлүөнэ ытык иэспитинэн А.Е. Кулаковскай хаалларбыт научнай нэһилиэстибэтин бары өттүнэн көрөн ымпыктаан-чымпыктаан ырытыы уонна ону Россия бары норуоттарын истиилэригэр тириэрдии, дьүүллэригэр таhаарыы буолуохтаах.

Тэрээһини түмүктээтэ Бастакы Президент М.Е. Николаев фондатынан уһуллубут «Кулаковский: путь в вечность» киинэни көрүү.

«Өксөкүлээх сардаҥата» аахсыйа биһиги Бастакы Президеммит М.Е. Николаев тылларынан түмүктэннэ: «Өксөкүлээх Өлөксөйү, өрө тутан, кини тула мустан, өйбүтүн-санаабытын түмэн, сомолҕолоһон норуоппут, бэйэбит туспутугар, чөл буоларбыт туһугар, олоруоххайын, үлэлиэххэйин, бары ыарахаттары туораан иннибит диэки барыаххайыҥ”.