Күндү биир дойдулаахтарбыт, ытык-мааны Өктөм нэһилиэгин олохтоохторо!

1941-1945 сс. Аҕа дойду Улуу сэриитэ төһөлөөх элбэх Ийэ сүрэҕин ытаппыта, аймаабыта буолуой?! Оччотооҕу сут-кураан сылларыгар тыылга хаалбыт кырдьаҕастар, дьахталлар, оҕолор ыарахантан чаҕыйбакка, толлубакка Улуу Кыайыы сырдык сарыалын уһансарга түүннэри-күнүстэри,утуйалларын умнан туран үлэни өрө туппуттарын умнубаппыт. Кинилэр кыайыыны уһансыбыт үтүөлэригэр сүгүрүйэбит, киэн туттабыт!

Кэнчээри ыччаппытыгар тыылга кыайыыны үлэнэн чугаһаппыт дьоммут ааттарын үйэтитэргэ, үөрэтэргэ үлэ салгыы быстыбакка барарын ситиһиэхтээхпит. Бу биһиги дириҥ махталбыт буолар!

Аан Дойду дьахталларынкүнүн көрсө “Улуу Кыайыыны уһансыбыт биһиги эбэлэрбит, ийэлэрбит уонна эдьиийдэрбит” диэн Николаев – Киин хаартыска быыстапкатын тэрийэр. Манна нэһилиэкпит олохтоохторо, дьоҥҥутун-сэргэҕитин үйэтитэргэ көхтөөх кыттыыны ылыаххыт диэн эрэнэбит!

Быыстапка ирдэбилэ: хаартыскалар рамалаах уонна быһаарыысуруктаах буолаллара биһирэнэр.