Бүгүн "Айыы Кыьата" Национальнай гимназия 9-с кылааһын үөрэнээччилэрэ Николаев-Киин ыалдьыттара буоллулар.

Оҕолор Өктөм сиригэр бастакы кэлиилэрэ буолан билини дьо5ус академиятын үлэтин кытта билистилэр. Николаев-Кииннэ сылдьан, Саха Республикатын бастакы президенэ Михаил Николаев олоҕун, үлэтин кытары ыкса билсэн, сехтулэр, Республика тутулун, сайдыытын, олоҕун-дьаһаҕын, инникитин көрдөрөр киин диэн өйдөөтүлэр.

Кылаас салайааччыта Сардана Реворьевна Нелтанова маннык сыанабыл биэрдэ: "Биһиги, Айыы кыһатын 9 д кылаас үөрэнээччилэрэ, кылаас салайаачы Нелтанова Сардана Реворьевна, бүгүн Николаев-кииннэ сылдьан биьиги бастакы президеммит, улуу салайааччы Михаил Ефимович Николаев олоҕун туһунан, кини Саха Сирин сайдыытыгар сүҥкэн оруолун туһунан истэн-билэн, сүрдээҕин сөҕөн-махтайан бардыбыт. Маннык Библиотека-архив кэлэр көлүөнэҕэ сырдатар үөрэтэр оруола олус улахан. Экскурсовод олус интэриэһинэй кэпсээннэрин истэн билиибит кэҥээтэ, элбэҕи толкуйдуурга, билэ көрө - сылдьарга олук буолла! Николаев-киин үлэһиттэригэр, чуолаан Ольга Игнатьевнаҕа махтал! Үлэҕит ситиһиилээх, таһаарыылаах буоллун!"

Көрсүhүү түмүгэр ыалдьыттар саҥаны-сонуну билэн-көрөн, истэн, санаа үллэстэн тарҕастылар.