Бүгүн, ол эбэтэр бэс ыйын 30 күнүгэр, Учуутал уонна уһуйааччы сылынан, "Бары уруһуйдуубут" бырайыак чэрчитинэн, биллэр политическай деятель, учуонай, фольклорист Г.В. Ксенофонтов 135 сылыгар аналлаах Хаҥалас улууһун уруһуйдьуттарын айар түмсүүлэрин "Эллайаада" түрдьэ быыстапката Саха Республикатын бастакы президенин Михаил Ефимович Николаев библиотека – архыыбын “Николаев – Киин” дьиэтигэр үөрүүлээх арыллыыта буолла.

Үөрүүлээх тэрээһиҥҥэ кыттыыны ыллылар Ханалас улууһун Культуратын Управлениетын сүрүннүүр исписиһэлииһэ, Саха Өрөспүүбүлүкэтин үтүөлээх үлэһитэ Надежда Скрябина, Саха Өрөспүүбүлүкэтин үтүөлээх үлэһитэ, Наум Матвеевич Засимов аатынан хартыына галереятын дириэктэрэ Людмила Александровна Засимова уонна Хаҥалас улууһун худуоһунньуктарын түмпүт, Саха Өрөспүүбүлүкэтин Культуратын туйгуна, Россия Айар Худуоһунньуктарын Союһун чилиэнэ, Российскай Федерация президенын 2007 сыллаах үөрэхтээһин Гранын хаһаайката,"Түрдьэ" бырайыак салайааччытыгар Галина Семенова.

Быыстапка арыллыытын чэрчитинэн түмсүүлэр икки ардыларынааҕы "Түрдьэ" бырайыак тула кэпсэтии буолла. Манна холст уонна кырааска абылаҥыгар ылларбыт дьон бэйэлэрин үлэлэрин көрдөрдүлэр, билиһиннэрдилэр.

Түмүгэр ыраахтан-чугастан кэлбит кыттааччыларга Саха Өрөспүүбүлүкэтин үөрэхтээһинин уонна наука Алын академиятын түмэлигэр экскурсия ыытыллынна.

Бу иннинэ быыстапка Эркээни ыhыа5ар көрдөрүллүбүтэ. Ол күн ардахтаах да буоллар хартыыналар хата сиигирбэккэ, бэйэлэрин дьүhүннэрин сүтэрбэккэ турбуттар. Ол иhин ааптардар дипломнарын, сертификаттарын бугуҥҥү үөрүүлээх түгэҥҥэ туттардылар.

Экспозиция Николаев Кииҥҥэ балаҕан ыйыгар диэри турар.

Кэлэн көрүҥ, интириэһиргээн, сайдыҥ!