Н.С. Охлопков аат. улуустааҕы гимназия директора Александр Новгородов салайааччылаах оскуола администрацията, эр дьон үлэһиттэрэ үгэс быһыытынан үөрэх дьылын бүтүүтэ, бэс ыйыгар, байыаннай-полевой сбору ыыталлар.

Маннык тэрээһин сылга 3-тэ, хонуга суох күһүҥҥү, кыһын спортивнай саалаҕа 1 хонуктаах уонна сайыҥҥы 2 хонуктаах, барар. Взвод командирдарынан учууталлар анананнар, уолаттары 3 взводка арааран, сыл устата дьарыктар быстыбакка бараллар.

Бэс ыйын 1-3 күннэригэр сбор улуус баһылыга Юрий Иннокентьевич Слепцов дьаһалынан бэриллибит гимназия саҥа баазатыгар, Сиэникэйгэ, 5-8 уонна 10 кылаас уолаттарыгар анаан ыытылынна.