Ахсынньы 20 күнүгэр Саха Өрөспүүбүлүкэтин бастакы президен библиотека-архыыбыгар В.Н. Оконешников аатынан Павловскай орто оскуолата иилээн ыытар Өксөкүлээх лаборатория үлэтин чэрчитинэн Мэҥэ-Хаҥалас улууһун оскуолаларын икки ардыларынааҕы «Мөккүөр түһүлгэтэ» иккис түһүмээ буолан ааста.

Бу күн тэрээһин бастакы чааһыгар Михаил Ефимович Николаев олоҕун, үлэтин, кини көрүүлэрин уонна киэҥ хабааннаах бырайыактарын кытта экскурсия нөҥүө билсиинэн саҕаламмыта. «Мөккүөр түһүлгэ» күрэх иккис хаамыыта Михаил Ефимович Николаев «Саха Республиката: XXI үйэ бастакы чиэппэригэр сайдыытын суола» диэн кинигэтинэн буолла. Манна В.Н. Оконешников аатынан Павловскай уонна Майатаа5ы В.П. Ларионов аатынан оскуолалар хаамандалара күөн көрүстүлэр. Бастакы чааһыгар оҕолор кинигэ ис туругун ырытан, бэйэлэрин инникигэ көрүүлэрин өрөспүүбүлүкэбит сайдыытыгар биир хайысханы таланнар билиһиннэрдилэр, сэргэхтик мөккүстүлэр.

Иккис чааһыгар М.Е. Николаев 2017 сыллаахха тахсыбыт «Саҥа сайдыы саҕахтара» (Новое развитие) ыстатыйатын билсэн, бу манна ыйыллыбыт 4 хайыскалартан билиҥҥи кэмҥэ тыҥааһыннаах боппуруостары талан, бырайыак толкуйдаан тутатына көмүскээн күрэхтэстилэр. Кыттааччылар элбэҕи ааҕан-ырытан, олус көхтөөхтүк бэлэмнэнэн, кыһаллан кэлбиттэрэ көстөр.

Иккис туһумэх түмүгүнэн кыайыылааҕынан В.П. Ларионов аатынан Майатааҕы орто оскуола хамаандата буолла.

Хамаанда састааба: Самсонов Михаил Аркадьевич салайааччылаах Петров Дьулус, Илларионов Стас - 9-с кылаас үөрэнээччилэрэ

"Биьиги оскуолабыт быйыл Өксөкүлээх тереебутэ 145 сааһыгар аналлаах Кулаковскай ааҕыыларын чэрчитинэн "Мөккүөр түһүлгэтэ" диэн тэрээһин ыыппыппыт. II түһүмэҕэ Николаев Центрга буолла. Бу түһүмэх М.Е.Николаев үлэлэригэр ананна. Тэрээһин ис хоһоонун Николаев Центр үлэһиттэрэ экскурсиянан, викторинанан байыттылар, Михаил Ефимович "Сайдыы саҥа саҕахтара" ыстатыйатын билиһиннэрдилэр.

В.Н.Оконешников аатынан Павловскай уонна В.П.Ларионов аатынан Майа орто оскуолаларын үөрэнээччилэрэ М.Е.Николаев икки айымньытынан бэйэлэрин санааларын үллэһиннилэр, ыйытыыларга эппиэттээтилэр, проектары көмүскээтилэр. Николаев Центр саҥа информационнай технологиянан туһанан оҥоһуллубут Саха сирин сайдыытын, государственноһын үөскээһинин, историятын, Саха Республикатын I Президенын киэҥ далааһыннаах үлэтин, олоҕун, дьиэ кэргэнин туһунан олус элбэх информацияны биир чаас иһигэр көрөн-истэн биллибит, сэҥээрдибит. Аныгылыы санардыллан оноһуллубутун көрөн астыннныбыт, сөхтүбүт, бары үлэһиттэргэ махтанныбыт. Инникитин бииргэ улэлиир санаабытын эттибит, торумнаатыбыт".

"Мөккүөр түһүлгэ" салайааччылара: Пудова Светлана Дмитриевна, "О5онньор кэпсээнэ" лаборатория салайааччыта, эбии үөрэхтээһин учуутала; Фёдорова Ольга Фёдоровна, англия тылын учуутала; Васильев Семён Михайлович, устуоруйа учуутала.

«Мөккүөр түһүлгэ» күрэх маҥнайгы хаамыыта сэтинньи 25 күнүгэр Павлоскай орто оскуолатыгар Өксөкүлээх ааҕыыларын чэрчитинэн буолан ааспыта. Манна сигэнэн билсин: Павловскай оскуолатыгар Өксөкүлээх ааҕыылара - 29 Ноября 2022 - Мегино-Кангаласское районное управление образования (uuo-mk.ru)