Новости

Кэлэр биэс сыл Алексей Елисеевич Кулаковскай — Өксөкүлээх Өлөксөйгө ананыа

Хаҥалас улууһун Хачыкаат нэһилиэгэр «Алексей Кулаковскай – Саха сирин духуобунай лиидэрэ» диэн научнай-практическай симпозиумҥа Ил Дархан Айсен Николаев 2023-2027 сыллары Өксөкүлээх Өлөксөй сылларынан биллэрдэ.

«2023-2027 сыллары Саха сиригэр Алексей Елисеевич Кулаковскай — Өксөкүлээх Өлөксөй сылларынан биллэрэргэ», — диэн ыйаахха этиллэр.

Бастакы бэрэсидьиэн Михаил Николаев этиини өйүүрүн иһитиннэрдэ.

«Алексей Елисеевич олоҕун тухары Саха сирин тилийэ хаампыта. Саха норуота сайдарын туһугар дириҥ билиитин, оҕуруктаах өйүн анаабыта. Норуокка чугас буолуу, чөл олоҕу тутуһуу, элбэх оҕолонуу, өйү-санааны уонна тыа хаһаайыстыбатын сайыннарыы курдук тыҥааһыннаах боппуруостары таарыйбыта. Хас биирдии Саха сирин олохтооҕо кыратыттан улаханыгар тиийэ Алексей Елисеевиһы билиэхтээх, үөрэтиэхтээх уонна киэн туттуохтаах», — диэтэ кини.

Источник

Поделиться в соцсетях: