Новости

Хачыкаат нэһилиэгэр «Алексей Кулаковскай – Саха сирин духуобунай лиидэрэ» симпозиум саҕаланна

Хаҥалас улууһун Хачыкаат нэһилиэгэр «Алексей Кулаковскай – Саха сирин духуобунай лиидэрэ» диэн научнай-практическай симпозиум саҕаланна. Бу туһунан тэрээһин пресс-сулууспата иһитиннэрэр.

Бу тэрээһин Өксөкүлээх Өлөксөй төрөөбүтэ 145 уонна «Саха интеллегенциятыгар» сурук 110 сыллаах үбүлүөйдэригэр ананар.

Икки күн устата учуонайдар, суруйааччылар, литератордар, социологтар, судаарыстыбаннай былаас уорганнара, уопсастыбаннас Өксөкүлээх Өлөксөй олоҕун-дьаһаҕын, айар үлэтин, айымньыларын аныгы үйэ хараҕынан көрүү, кини үлэлэрин үйэтитии туһунан боппуруостары көрүөхтэрэ.

Симпозиум Саха сирин Бастакы бэрэсидьиэнэ, судаарыстыбаннай сүбэһит Михаил Николаев уонна Саха сирин Ил Дархана Айсен Николаев көҕүлээһиннэринэн ыытыллар.

Тэрээһиҥҥэ «Развитие сельского хозяйства Якутии. Создание проекта образцового хозяйства им. С.П. Барашкова в с. Качикатцы Хангаласского улуса», «Народосбережение, развитие здравоохранения и демографическая политика в Якутии», «Культурное и духовное наследие А.Е. Кулаковского» уонна «Создание туристического маршрута «Путь Кулаковского»» секциялар үлэлиэхтэрэ.

Ону тэҥэ араатар куонкуруһа, «Сеймчанский дневник» кинигэ сүрэхтэниитэ, дебаттар, быыстапкалар уо.д.а. тэрээһиннэр буолуохтара.

Источник

Поделиться в соцсетях: