Саха тыла- саргы тыла.

Саха тыла – сайдыы суола.

Иитиллибит Ийэ тылбытыгар омукпут дириҥ историята, баай култуурата, өйө-санаата түмүллэ сылдьар.

Олунньу ый 13 күнүгэр 1996 сыллаахха Саха Республикатын бастакы Президенэ Михаил Ефимович Николаев ыйааҕынан Семен Андреевич Новгородов төрөөбүт күнэ - Төрөөбүт тыл, сурук-бичик күнүнэн биллэриллибитэ.

Хас биирдии киһи кэнэҕэски кэнчээри ыччатыгар төрөөбүт тылын сүөгэйин-сүмэтин иҥэрэр ытык иэстээх. Аныгы үйэҕэ тылбыт сүтэн-оһон хаалбатын туһугар анаммыт “Саха Медиа школа” бырайыак тула кэпсэттибит. Кэпсэтиигэ уопсайа 100 киһи кытынна. Бырайыак ааптардара: М.К. Аммосов аатынан ХИФУ доцена, филол.н.к, Кысылбаикова Марина Ильинична уонна Канадаттан Мемориал Университет доцена, PhD, Болтокова Дария Леонтьевна. Кинилэр үлэлэрин Америкаҕа көмүскээн граны сүүйбүттэр уонна тута олоххо киллэрбиттэр.

Билигин IT технология балысханнык сайдар кэмигэр, саха ыччата тылын умнуо суохтаах диэн санааттан сиэттэрэн, бырайыак үлэтин саҕалаабыт. Бырайыакка 25 оҕо хабыллан You-tube сыһыарыыга тахсар видеолары оҥороллор. Уһуйааччылара - анал идэлээх дьон: режиссердар, артыыстар, оператордар.

Бырайыак иккис түһүмэҕэр кэлбит. Оҕолор ылбыт билиилэрин чиҥэтэн видео устан саҕалаабыттар. Улахан сыаллара - тылбыт, историябыт туһунан документальнай киинэ устан фестивальга кыттыы.

Көрсүһүү түмүгэр, “Тыа сирин оҕолорун бырайыакка хабаргыт буоллар”, - диэн санааны учууталлартан иһиттибит. Үөрэнээччилэр “Саха Медиа школа”-ҕа кыттыахтарын баҕаралларын туһунан аһаҕастык эттилэр. Төрөөбүт төрүт тылын билэр эрэ киһи атын омук тылларын чэпчэкитик ылынарын, ааптардар тоһоҕолоон бэлиэтээтилэр.

Кэпсэтиини киирэн керун, сэргээн!