Норуотун дьолугар төрөөҥҥүн

Саханы Эн саха дэттэҕиҥ,

Кэрэгэй дьылҕалаах бэйэтин

Кэскиллээх кэккэҕэ таһаартыҥ.

Саха диэн аҕыйах ахсааннаах,

Самныбат саргылаах норуоту

Омуктар сэргииллэр, сөҕөллөр,

Дэгиттэр талаанын биһирээн.

Ол онно одуну Эн уурдуҥ,

Былааһы саҥалыы салайан

Ырааҕы анаарар толкуйуҥ

Ыллыктаах толкуйун тобулан.

Оҕоҕо, ыччакка туһаайбыт

Кэскиллээх былаанын салҕанар,

Муҥутуур ситиһии дабааныҥ

Эн аатыҥ куруутун дабайсар.

Норуоккар оҥорбут үтүөҕүн

Барытын ааҕан да сиппэккин,

Бар-дьонуҥ махтала, таптала

Салҕаныа үйэттэн үйэҕэ!

Лидия Петрова

11.11.2021

Москва, Бэс Чагда