Судаарыстыбыннас күнүгэр Өктөм лицейин 6-7 кылааһын уөрэнээчилэрэ Саха сирин быстакы Президенин Михиаил Николаев Николаев Киинигэр кылаас чааһыгар сырыттылар.Кылаас чааһын Киин директора Н.П.Капитонова ыытта.

Норуоппут историятын бэлиэ, сүгүрүйэр күнүгэр түбэhиннэрэ Михаил Ефимович Николаев, Саха сирин быстакы Президенин Киинигэр – Николаев Центрга кылаас чааһыгар сырыттыбыт. Оҕолор ох курдук оҥостон, эрдэттэн бэлэмнэнэн 30 сыл аннараа ɵттүгэр туох-ханнык политическай ситуация Суверенитеты ылынары кэрэhэлээбитин суруктан-бичиктэн, ахтыылартан билистилэр. Ону таhынан, билигин Суверенитеппыт суох да буолбутун иhин, кини дууhата, тыына ... (К.Е. Иванов “Улуу Илгэ айан” киинэттэн) баар буолуохтаҕын ɵйдɵɵтүлэр.

Кылаас чааһын Киин директора Н.П.Капитонова ыытта.

Сахабыт сиригэр судаарыстыбаннас олохтонууттуттан саҕалаан, дойдубут сайдыытыгар туох улахан уларыйыылар буолбуттарын сиһилии кэпсээтэ. Саха сирин судаарыстыбыннаһыгар кылааттарын киллэрбит ытык дьоммут туһунан билиһиннэрэдэ. Норуот олоҕор уларыйыылаах, бутуурдаах 90-с сылларга Суверенитет туhунан декларация ылыллан, Сахабыт сирэ бэйэтин салайынар кыахтаммытыгар, бэйэтигэр улахан эппиэтинэс ылынан саҥалыы сайдыы суолугар уктэнэригэр сөптөөх суолу тобулбут киһинэн Михаил Ефимович Николаев буолбутун туhаайан эттэ. Оҕолор кытаанах санаалаах сүдү салайааччы туһунан элбэх саҥаны биллилэр, ыйыталаһан билиилэрин хаҥаттылар. Силигин ситэрэн Ирина Охлопкова салалтатынан лицей Президентскэй сэбиэтин оҕолоро толкуйдаан оҥорбутун өйү тургутар оонньуу-күрэх ыытыллыбыта истибиттэрин ситэрэн чиҥэтэн биэрдэ. Истиҥ- иһирэх көрсүһүүбүт К.Уткин – Нүһүлгэн тылларагыр А.Калининскай – Луҥха Өлөксөй мелодиятыгар «Саргыбыт сайыннын» ырыанан түмүктэннэ.

Кырдьык даҕаны, маннык көрсүһүүлэр оҕолор төрөөбүт дойдуларын историятын, норуот олоҕо тупсарыгар кылааттарын киллэрбит дьоммут тустарынан билэллэригэр олук буолаллара саарбаҕа суох. Онон, оҕолор дуоhуйан, аахпыттарын-билбиттэрин сурунан, Михаил Ефимович уонна кини соратниктарын ылыннарыылаах тыллара инникитин олоҕу сайыннарыыга эдэр дьон кыттыhыахтара, оҥорсуохтара, киирсиэхтэрэ диэн эрэниэҕи баҕарыллар!

Мария Петровна Кузьмина,

кылаас салайааччытын бэлиэтээhиннэрэ