Версия для слабовидящих

Чыҥыс Хааҥҥа мусуой тутуллуо

11.09.2020 489

Атырдьах ыйын 27—Россия киинэтин күнэ

Чыҥыс Хааҥҥа мусуой тутуллуо

2021 сылга Монголия киин куоратыгар Улан Баатарга Чыҥыс Хаан  мусуойа арыллара былааннанар. Мусуой элбэх быыстапкалыыр саалалаах, 20 500 кв.м.иэннээх буолара сабаҕаланар. Манна XIII үйэҕэ сыһыаннаах  экспонаттары,  археологическай булумньулары, антиквариат маллары атын  мусуойдартан, университеттартан, наука академияларыттан, чааһынай кэлиэксийэлэртэн хомуйан киллэриэхтэр эбит. Ону тэҥэ тас дойду мусуойдарыттан Монголия империятын кытта ситимнээх историческай малы-салы сөргүтүү, мусуойу байытыы үлэтэ ыытыллар. Итинэн ситимнээн, Монголия өрөспүүбүлүкэтин Иркутскайдааҕы Генеральнай консульствота СӨ Бырабыыталыстыбатыгар саҥа мусуойга Чыҥыс Хааҥҥа  аналлаах матырыйааллары биэрии туһунан  көрдөһүүлээх тахсыбыт.

Ол туһунан СӨ Тас дойдулары кытары сибээскэ уонна норуоттар дьыалаларыгар миниистирэ Гаврил Витальевич Кириллин кэпсиир:

-- СӨ Култууратын уонна духуобунай сайдыытын министиэристибэтэ Саха сирин норуодунай суруйааччыта Николай Лугинов араас сылларга суруйбут Чыҥыс Хааҥҥа аналлаах кинигэлэрин, итиэннэ “Үргэл В” ХЭТ үбүлээччитэ, “Тайна ЧингисХаана” киинэ продюсера Владимир Иванов киинэ куопуйатын, хаартыскалары саҥа мусуойга биэриэхтэрин сөбүн туһунан кэпсэтэ сырытта. Инньэ гынан, Саха сирин норуодунай суруйааччыта Николай Лугинов мусуой пуондатыгар “По велению  Чингисхана”, “Мать  Чингисхана”, “Древние легенды”, о.д.а. кинигэлэрин, оттон продюсер Владимир Иванов “Тайна ЧингисХаана” киинэ куопуйатын,  хаартыскалаах уонна рекламнай матырыйааллары биэрэргэ бэлэмнэрин биллэрдилэр. Маны таһынан, В.Д.Иванов Монголия “NTV” телеканалын  көмөтүнэн, “Тайна ЧингисХаана” киинэ монголлуу тылбаастаммыт электроннай варианын саҥа тэриллэр мусуойга биэрэргэ бэлэмин биллэрдэ.  

Монголия Иркутскайдааҕы Генеральнай консульствота иһитиннэрбитинэн, ити экспонаттары туттарыы сиэрэ-туома Саха сиригэр консул кэллэҕинэ, тэриллиэн сөп.

Жанна Леонтьева.

Поделиться

Другие новости